میگزین

بلیاں پالنے والے اسے ضرور پڑھیں

کیا آپ بلیاں پالنے کے شوقین ہیں اور آپ کے گھر میں کوئی ایک یا ڈھیر ساری بلیاں موجود ہیں؟

بلیاں پالنے کے شوقین افراد اکثر اپنی بلیوں کے ناخن کاٹ دیتے ہیں، انہیں لگتا ہے کہ اس طرح انہوں نے اپنے آپ کو، گھر کی نازک اشیا کو اور خود بلی کو بھی اس کے تیز ناخنوں سے محفوظ کردیا ہے۔

لیکن کیا آپ کو معلوم ہے کہ بلی کے ناخن کاٹنا اسے معذور کردینے کے مترادف ہے۔

ماہرین کے مطابق انسانوں کے ناخن جلد سے اگتے ہیں لیکن اس کے برعکس بلیوں کے ناخن ان کی ہڈیوں سے اگتے ہیں لہٰذا بلی کے ناخن کاٹنے کا مطلب ہے کہ آپ اس کی ہڈی کاٹ کر پنجوں کو معذور کر رہے ہیں۔

یہ عمل زیادہ تر افراد گھریلو اشیا کو بچانے کے لیے کرتے ہیں تاکہ گھر کا سامان بلی کے ناخن کی کھرونچ سے خراب نہ ہو۔

ماہر حیوانات کا کہنا ہے کہ یہ عمل نہایت عام اور سنگدلانہ ہے۔

امریکا میں بلیوں کے ناخن اکھاڑنا باقاعدہ کاروبار ہے جس کے لیے جانوروں کے ڈاکٹر 1 ہزار ڈالر وصول کرتے ہیں۔

بلیوں کے ناخن کاٹنا ان کی چال میں لنگڑاہٹ بھی پیدا کر سکتا ہے جس سے انہیں جسمانی تکلیف لاحق ہونے کا خطرہ ہوتا ہے۔

ماہرین کا یہ بھی کہنا ہے کہ بلیوں کے ناخن ان کے دفاع کے لیے ہوتے ہیں لہٰذا جن بلیوں کے ناخن کاٹ دیے جائیں وہ خطرہ محسوس کرتے ہی لوگوں کو کاٹنے لگتی ہیں۔

ماہرین کی تجویز ہے کہ بلیوں کو ناخن کھرچنے کی عادت ہوتی ہے لہٰذا اپنے گھر کی اشیا کو بچانے کے لیے اس سنگدلانہ عمل کے بجائے بلی کے لیے ایک پرانا قالین کا ٹکڑا مختص کردیا جسے وہ اپنے ناخنوں سے کھرچتی رہے۔

تو اب اپنی بلی کو معذور کرنے سے بچانے کے لیے اس کے ناخن کاٹنا چھوڑ دیں۔

بلیاں پالنے والے اسے ضرور پڑھیں
Click to comment

Leave a Reply

Your email address will not be published. Required fields are marked *

To Top